برنامج (( لحظات من عمرنا ))

هى تجربه واحده بس وانا كنت عندى 17 سنه
ومن وقتها محبتش حد غيروا فى كتير حسيت بيهم وبحبهم ليا بس جوايا وفى نظرى هو دا الانسان الوحيد اللى اتفتح له قلبى وحبيتوا وحبنى بجد ومش هحب غيروا ولا هفتح قلبى لحد غيروا

كنا متفهمين جدا وبنحب بعض اوى ويمكن كل يوم كنا بنشوف بعض وبنتكلم مع بعض موبايل ونت
بس زى متقول كده ان القدر والنصيب ساعات مبيحلفش الواحد

اه هتقوليلى على القدر والنصيب اكيد عارفه وياما اتكلمت عنوا

واتفق معاكى وفى كلامك تمام

فعلا كل شئ قدر ونصيب

عايز اسالك حقيقى عن احلى حاجه فى انوش واوحش حاجه فى انوش ؟

احلى حاجه فيا الصراحه اللى فى قلبى على لسانى مبعرفش اجامل حد

واوحش حاجه فيا العصبيه عصبيه جدا جدا جدا

جينا لسؤال الختام .........؟

عايزك تقوليلى كلمه واحده بس مش كلمتين حتى

علاقتك بينك وبين والدك ووالدتك ايه ؟

بصراحه وحشه جدا وضعيفه

واخيرا وصلنه لنهاية الاستضافه الجميله دى بجد

وشكرا لقبول استضافتك معنا يا انوش فى برنامج (( لحظات من عمرنا ))

واكيد هنتقابل تانى ونتكلم

انتظرونا بعد الفاصل لسه حلقتنا مستمره وحلقتنا النهارده كبيره حقيقى ههههههه

هنتكلم بعد قليل فى موضوع مهم جدا وهو

الزواج يعنى مليش فيه خبره اوى بس هتكلم فيه معاكم ونناقش الامور المتعلقه بالزواج

انتظرونا بعد الفاصل ......

برنامج (( لحظات من عمرنا )) - صفحة 4 Vfre

اهلا بيكم مره تانيه فى برنامجكم

(( لحظات من عمرنا ))

الموضوع اللى هتكلم فيه معاكم النهارده هو موضوع العصر والزمن اللى عايشين فيه دلوقتى
موضوع مهم لكتير مننا شباب و بنات

الموضوه هو (( الزواج ))

مين فينا النهارده فى مختلف الاعمار السنيه مبيحبش كلنا بنحب
بنات وشباب

وايه اخر مطاف الحب اكيد طبعا الزواج

الزواج اللى بيربط القلبين ببعض وبيجمع كل حبيبين ببعض ويجمعهم بيت واحد وباب واحد
ويكونوا اسره جميله اوى مليانه افراح وسعاده

وعشان فى حب اكيد للحب دا فى مخاطر بتواجهه ومشاكل بتقابله وعوائق بتقف فى طريقه
مش معنى كده اننا نستسلم ونرفع الرايه ونقول استسلام للياس وعدم الحب مدى الحياه
لا.. اتحدى الدنيا بحبك لحد النهايه لو فيها حتى موتك ضحى عشانوا عشان تنول حبك اللى استمر واستغرق سنين من عمرك لازم تضحى وتحارب الدنيا كلها عشانو ومش بس كده
لا. تكسب كمان الحرب دا والمعركه دى وتخرج منها فايز بحبك وتوصل لنقطة النهايه
اللى هى (( الزواج ))

انا قولت لنفسى منفردش براى واقول اللى انا شايفه قولت اخرج للشارع واسال الناس
اصحابى واصدقائى وقرايبى وكل اللى اعرفهم

اسالهم عن الحب شيفينوا ازاى ........؟

وسالت وكانت اجابتهم

بتختلف من شخص لشخص ودى الحاجه الغريبه اللى لحظتها ملقتش اتنين متفقين على راى واحد
ومجتمعين على حاجه واحده لقيت شخص بيقول حاجه وشخص تانى بيقول حاجه تانيه خالص

فى اللى بيقول ان فى حب وحب بجد وحب حقيقى وفى النهايه بيكون بين اى اتنين بيحبوا بعض بجد الزواج.

وفى اللى بيقول مفيش حب اتعب نفسى ليه واوصل حالتى للياس وعدم التفاؤل ليه لما الاقى حب سنينى ضاع منى بسبب مشاكل وقدر ونصيب منا اسيبها بظروفها

لكن انا عندى سؤال ليك ......

مثلا حط نفسك فى الموقف دا وبشفافيه شديده جاوب عليا

لو قابلت انسانه وعجبتك وفى يوم قربت منها واتكلمت معاها وحبتها وصرحتها بحبك
وهى صرحتك بحبها ليك وحبيتوا بعض حب ليمكن وصفوا
لكن لحظة ان فرق السن لصالحها يعنى بمعنى اصح
هى اكبر منك فى السن بفرق بسيط مثلا سنه او اتنين
توافق تكمل فى الحب دا وتقبل ولا تغير رايك وتبعد ؟

سؤال صعب صح

دا من وجهة نظرك انت .........

طب تعالى معايا نشوف وجهة نظر اولياء الامور الامهات والابهات ايه رايهم فى النقطه دى
اللى هيا فرق السن

فى امهات وابهات بتقول: انا مسمحش بشخص يتقدم لبنتى وهو اصغر منها اكيد مش هيبقا مستعد والفرصه فى الزواج اقرب للبنت من الولد وغير كده هيكون غير مؤهل على درايت الحياه والمسؤليه وكمان مش هيكون اكتسب خبرات من الحياه واتعلم منها بما فيه الكفايه فا اكيد دى
نقطه هخاف ائتمنوا على بنتى واطمن عليها وهى معاه

دى وجهة نظر تحترم .......

نيجى نشوف الراى التانى: فى اولياء امور امهات وابهات بتقول لو هو مستعد مديا
وقادر يفتح بيت وقد المسؤليه ومر بتجارب فى حياته وعنده خربه فى الحياه وعنده عقل وقدر استوعاب وبيفكر صح مفيش اى مانع

ودى برده وجهة نظر تحترم ..........

بس نيجى نشوف النسبه المئويه للاراء دى وانا قمت بعملها

لقيت اولياء الامور الرافضين للنقطه دى = 70 %
واولياء الامور الموافقين على النقطه دى = 30 %

اكيد جيل زمان اللى هما حاليا ابهاتنا وامهاتنا عندهم فكر وعادات وتقاليد ثابته
تختلف وتعارض فكر وعادات وتقاليد جيلنا الحالى
اقصد جيل الشباب والبنات حاليا

واكيد هما عارفين بكده واحنا كمان عارفين بكده

بس احب اقولك فى النهايه مهما كان حلمك وطموحاتك حتى لو صعبه ومستحيله
اوعى فى يوم من الايام تياس فى تحقيقها وتقول مفيش امل
وان كده الحياه خلصت

لا بص حواليك هتلاقى فى كتير ناس غيرك حاربوا وخدوا اللى هما عايزينوا
بص ليهم كويس واعمل زيهم واوعى تطلع من الدنيا دى فى يوم من الايام خسران حاجه
لانك لو خسرت حاجه واحده هتخسر كل حاجه بعد كده
حاجه هتجيب حاجه واستمر بقا وساعتها مش هتلاقى اللى يشدك ويلحقك

بتحب حب من حقك بس خطط وفكر صح ولقدام عشان تحقق حلمك وهدفك اللى هو
(( الزواج ))

بتحب انسانه اكبر منك او بتحبى انسان اصغر منك

ومالوا مش عيب بس فكروا صح وخططوا صح وافهموا بعض صح عشان اكيد هيواجهكم مشاكل وعوائق لازم تكونوا قدها وتكسروها عشان ابهاتكم تعرف وتتاكد وتطمن لو انتم لبعض
ويوقنوا تماما ان الحب مش بالسن الحب عمروا ماكان بالسن

الحب بالعقل والتفاهم والتقدير .........

اتمنى انكم تكونوا استفتم بحلقتنا النهارده وانا سعيد جدا انى كنت معاكم فى برنامج
(( لحظات من عمرنا ))

انتظرونا يوم الاربعاء القادم مع عضو جديد او موضوع جديد

ولو حبيت تشرفنا فى برنامج (( لحظات من عمرنا ))

ضيف بس رد وسيب الباقى علينا هههههههههههههههه

كان معكم Hisham.Hamada

السلام عليكم

اهلا وسهلا بكم معانا فى

برنامج

(( لحظات من عمرنا ))

النهارده بنغرد بموضوع شخصى بالنسبالى هتكلم فيه عن بعض الامور الخاصه بيا فى برنامجكم
(( لحظات من عمرنا ))

يمكن الموضوع الشخصى دا يكون متشابه لحد فيكم او حد بيعيشوا حاليا او مر بيه

والموضوع يماثل اسم البرنامج (( لحظات من عمرنا ))

كل واحد فينا بيبقا جواه مواقف وامور مر بيها فى حياتوا ليمكن تتنسى سواء كانت حلوه او وحشه وبتبقا عايشه جواه لاخر يوم ونفس فى حياتو لغايت ما يموت
وبتبقا لحظات من عمروا مر بيها

عن نفسى فى مواقف وحاجات كتيره اوى مريت بيها واتاثرت بيها وليمكن فى يوم انكرها او اقدر انساها مهما مريت بعدها من مواقف برده بتفضل فى الذاكره مبتتمحاش ووقت ما بتيجى فرصه او حدث مشابه للحدث اللى انت مريت بيه بتفتكر الموقف دا من اولوا لاخروا
وتعد مع نفسك وتقول ياريت الايام دى او الموقف دا يتكرر تانى
حتى لو كان وحش او كان فيه ضرر ليك

الواحد فينا مليان بمواقف مر بيها فى حياتوا وكأن المواقف دى عباره عن شريط فيديو او صور بيمر عليك بسرعه بتحمل لقطات بتقدر انت من خلالها توصف المشاهد دى كانت فين وامتى وحصل فيها ايه وبتوصفها بالتفصيل كانها مرت عليك او عشتها امبارح او من فتره قريبه او قصيره

واهم المواقف دى اللى كل واحد مر بيها ومفيش مخلوق على الارض ممرش بيها ومعشهاش هى
(( الحب ))

مين فينا محبش وعاش اجمل واحلى قصة حب فى حياتوا سواء كانت نجحت واكتملت او حتى فشلت بس فيها اجمل ايام حياتك اللى عشتها شبابك واحساسك ومشاعرك
وقلبك اللى كان ساعتها جوهره مليانه اجمل واحلى وارق كلام ليمكن تقدر انت او اى حد فينا يوصفوا

الحب يا جماعه. الحب اللى مهما كانت نتايجه منقدرش ننساه قصة حب حلوه وحشه بنفتكرها فى كل وقت

مثلا انت اعد مع اصحابك فى كافيه او نادى وبدردشوا مع بعض وواحد من صحابك وهو بيتكلم بيقول وانت سامعوا انا حبيت انسانه ملاك مشوفتش زيها ع الارض وانت فى بالك وتصورك بتقول ملاك ازاى منا كمان حبيبتى ملاك زى ما بيقول ويقعد يقولك انا خرجت معاها واتكلمنا وحصل كذا وكذا وانت اصلا منتاش معاه بتسمع كلامو وبتعيش من جواك اللحظات اللى هو بيقولهالك يعنى ساعة لما كان بيقولك انا قابلتها وخرجت معاها ومسكة اديها بتفتكر على طول وفى ساعتها الانسانه اللى انت حبتها فى خيالك وبالك وقت ما شوفتها وقابلتها وسلمت عليها وايدك لمست اديها واتكلمتوا احلى كلام

دا اللى انا اقصده من الموضوع اللى انا بتكلم فيه النهارده ان كل انسان جواه مواقف بتبقا جزء منوا لو افتقضها يحصل خلل فى شخصيته وتكوينه

كلنا حبينا مره واتنين وتلاته وعشره فى حب بجد وفى حب بعد وقت تعارف وصداقه وفى اللى هو مش حب خالص ولا حتى اللى بيجى بعد الصداقه اللى هى التسليه ودى مش موضوعنا دى ليها حلقه خاصه فى برنامجنا (( لحظات من عمرنا )) قريبا انشاء الله

فى قصة حب يعلمك انك تدور على نفسك اللى انت مش لاقيها ومش شايفها ومش حاسس بيها
وفى قصة حب تعلمك انك تكون صادق لاول مره مع نفسك عشان تقدر تكون صادق مع غيرك وحتى مع القلب اللى بتحبوا
وفى قصة حب بتعرفك قيمة نفسك وقيمتك كأنسان وتعرفك حدود وقدرات مشاعرك واحساسك وعواطفك وقلبك فى الحب شكلوا وحجموا عامل ازاى

يعنى بمعنى اصح الحب بيصنع المعجزات زى ما بيقولوا وبيغير وبيشالب حال الاسنان وبيخليه من وضع لوضع ومن حال لحال

ساعات تعد سرحان وبتفكر وساعات بتبقا فرحان ومبسوط وساعات بتبقا مهموم ومخنوق ومن ايه مبتبقاش عارف كل دا من الحب

بس انا واحد زى زيك بالظبط مختلفش عنك ومريت بكل دا واكتر كمان يمكن مقولتش كل حاجه بس دا اكيد لان مفيش انسان يقدر يقول كل حاجه عن الحب

الحب زى الحياه اللى عيشين فيها دى لغز كبير محدش يقدر يفهموا ككل لغز محدش يقدر يحلوا ويواجهه

واحب اقولك على حاجه هتدهشك وهتعرفك انك حاجه صغيره اوى قدام الحب

وانك مهما عملت مش هتقدر توصل لربع الحب

معروف ان كل كلمه فى الحياه والدنيا ليها معنى وصف ثابت ومعروف لدى الجميع
مش صح كلامى ؟

تقدر انت بقا ياللى اسمك بتحب تدينى معنى صريح وصحيح وثابت لل (( حب ))

!!!!!!!!!!! اكيد لاء

ملوش معنى ثابت ممكن تقعد تتكلم من هنا لغايت ما تموت عنوا وتوصف فيه وبرده الكلام عنوا ميخلصش ومتعرفش فى الاخر توصل لمعنى ثابت ليه

كلنا بنحب وانا بحب

بس الحب اللى بحبوا حاليا حب بمعنى الكلمه ازاى هسكت ومش هقدر اقولك ازاى لانى مش هقدر اوصف بس هى فعلا زى كل واحد ما بيقول

ان حبيبتى ملاك فا هى فعلا ملاك واجمل ملاك عرفتوا فى حياتى خله للدنيا طعم وشكل تانى فى حياتى وبيه بقيت انسان جديد وبيه خله ليا حلم وهدف بخطط ليه كويس اوى وبعملوا حساب لكل خطوه باخدها وبعملها وبمشى عليها عشان مخسرش الحب دا واخاف عليه واعمل ليه الف حساب لان هو اللى باقى ليا فى حياتى واللى كنت بدور عليه ونفسى فيه

وياريت اى حد يلاقى الحب اللى بيدور عليه يحافظ عليه وميستسلمش ويحارب عشانوا ويحطوا فى المقام الاول فى حساباتوا عشان يقدر يوصل لنقطة النهايه ليه أل وهى الارتباط والزواج

وفى نهاية الحلقه اللى يارب تعجبكم وتكونوا استفتم منها اشكركم لحسن متابعتكم للبرنامج
والقاكم الحلقه القادمه يوم السبت القادم مع عضو جديد او موضوع جديد انشاء الله
استودعكم الله والقاكم على خير فى برنامجكم (( لحظات من عمرنا ))
والسلام عليكم

السلام عليكم

واهلا وسهلا بيكم فى حلقه جديده من برامجكم

(( لحظات من عمرنا ))

من كل يوم سبت واربع من كل اسبوع

والنهارده هتكلم معاكم فى موضوع مهم اوى كلنا بنقع فيه وللاسف فى اللى بيمشى عليه وبيستمر فيه
وفيه اللى بيقع فيه وبيتعلم منوا ولما بيتكرر تانى مبيعملوش لانو بيبقا اتعلم منوا قبل كده
بس فى حاجه متشابها فى الكلام

ان سواء استمر فيه او انقطع عن عملو فهو كده كده بتتعمل وكل واحد فينا حصل ليه كده مفيش مخلوق على الارض محصلوش دا

الموضوع هو (( الغلط ))

كلنا بنقع فى الغلط وكلنا بنغلط مفيش حد فينا مبيغلطش مفيش حد فينا ملاك كلنا بشر بنعمل الصح وبنعمل الغلط

بس فى اللى بيعمل وبيقع فى الغلط وبيستمر فيه ومبيتعلمش منوا وبيغلط مره واتنين وتلاته وعشره وبيفضل طول عمروا مستمر فيها

وفى اللى بيعمل وبيقع فى الغلط لكن بيتعلم منوا ولما بيجى نفس الغلط اللى عملوا دا مبيعملوش لانو بيبقا اتعلم منوا وفهم الدرس كويس وساعتها الغلط مبيتكررش

مين فينا مبيغلطش كلنا بنغلط

كلنا بشر والبشر بيغلط لانو مش ملاك من ربنا ونزل من السما

اوقات كتير بنعمل الغلط بادينا وبمزاجنا وبيبقا هو كده واللى عاجبوا
واوقات كتير بنعمل الغلط بس بيبقا غصب عن ظروف الواحد ومش بيبقا ساعتها بايده

الغلط ليه اكتر من نوع وكتير ومتنوع الغلط مش تابت على نوع واحد وظرف واحد
ممكن نغلط لما نكدب وممكن نغلط لما نسرق وممكن نغلط لما نسب او نقذف فى حق واحد
وممكن نغلط لما نشرب اى حاجه مضره بالصحه او محرمه وممكن نغلط لما انفرد براى ومشوفش راى الاخرين وممكن نغلط لما نعمل اللى فى دماغنا من غير تفكير او تدبير
......الخ

الغلط كتييييير اوى وملوش حدود فى حياتنا اللى بنعشها زى ماتحب تقول قول من هنا للصبح
مش هتخلص من حصر الغلطات اللى بنمر بيها واللى غيرك بيمر بيها واللى موجود حوالينا وفى الدنيا اللى انت عايش فيها

مثلا: واحد روح بيتوا متاخر سالو ابوه او امه كنت فين كل دا قالو كنت بذاكر عن واحد صحبى
او كنت فى درس بس كان امتحان طبعا بيكدب خوف من العقاب لو قال الحقيقه اكيد كان فى مكان مش ولا بد مع صحابه او بيعمل حاجه غلط او فى اى مكان من غير ما حد من اهلو يعرف فا بيحاول يقول اى حاجه تزيح العقاب عنوا بس ساعتها بيبقا غلط غلطتين الغلط الاولانى
انو اتاخر عن البيت وسايب اهلو قلقنين عليه ومش سائل فيهم وكمان كان بيعمل حاجه غلط
والحاجه التانيه: او كدب على اهلو عشان يهرب من العقاب اللى كان مستنيه

وتانى مثال: اللى بيبقا غصب عن ظروف الواحد وبتكون اجبرته على كده
ان فى واحد كان بيحب واحده والاتنين بيحبوا بعض اوى وفوق الوصف وزى ماتحب تقول وتتكلم وتوصف قول للصبح المهم خلينا فى موضوعنا ههههههههه
وحصل ظرف طارق ان البنت متقدم ليها عريس واهلها موافقين وياعينى البنت هضيع من الواد فا يعملوا ايه يتجوزوا بعض الله اعلم بقا فى السر او على سنة الله ورسوله
كده كده مش هتفرق كتير ولا هتغير المعنى فى النهايه والاخر
بين قوسين كده (( غلط ))

الغلط زى ما قولت قبل كده لا محدود ولا معدود ولا محصور
الغلط اشكال والوان وكتير اوى

بس واجب على اى واحد غلط غلطه يعد مع نفسه كده ويشرب كوباية شاى ويعد يفكر ايه الغلط اللى هو غلطوا دا ويدرسوا كويس ويشوف الصح بتاعوا ايه ولما يجى نفس الغلط دا تانى يدرك ويفهم ساعتها وبسرعه ان حصل له قبل كده وميكرروش تانى ويتعلم من غلطوا

عشان يمشى فى السليم ويبعد عن اى ضرر هيحصل ليه من الغلط اللى عملوا دا

وكل واحد يدرك ويفهم كويس اوى ان لاى غلط لو كان كبير او حتى صغير فى ناتج عنوا اللى هو ضرر ليه

قبل ما تعمل اى غلطه فى حياتك فكر ايه ضررها وساعتها بقا لو انت قد الضرر دا قرر برحتك انت حرا مالم تضر احد بس ساعتها انت الجانى على نفسك وانت اللى هتتحمل العقاب
والمسؤليه الكامله

وفى نهاية الحلقه الجميله دى بشكركم لحسن استماعكم لى والقاكم انشاء الله على خير
يوم الاربعاء المقبل فى موضوع جديد او عضو جديد ندردش معاه

اشوفكم على خير

» والان مع افضل و اسهل برنامج لحرق الافلام على dvd مع برنامج Easy DVD Creator 1.7.10 على منتدى احلام عمرنا شباب على كيف كيفك
» حصريا برنامج Focus Photoeditor 5.2 برنامج رائع سيجعل من صورك تحفة فنية على منتدى احلام عمرنا شباب على كيف كيفك
» حصري برنامج BS.Player.Pro.v2.31.975 هو برنامج رائع مشغل فيديو و مشغل صوت من الطراز القوي على منتدى احلام عمرنا شباب على كيف كيفك
» حصريا على منتدى (( احلام عمرنا شباب على كيف كيفك )) برنامج تغير الاي بي اللي بفلوس دلوقتي بقي ببلاش ادخل حمل برنامج بيغير الاي بي مش بيخفية
» لحظات الاسترخاء... أجواء خاصه به