برنامج (( لحظات من عمرنا ))

السلام عليكم ورحمة الله وبركاته

برحب بجميع زوار واعضاء المنتدى والنهارده يا جماعه هقوم بعمل برنامج معكم

بعنوان

(( لحظات من عمرنا ))

البرنامج دا هيتناول جميع الاشياء التى توجد ومرت فى حياتك هنا هستضفكم كلكم واتكلم وادردش معاكم
فى حياتكم والى بتحلموا بيه والى نفسكوا فيه وتفضفض وتطلع الى جواك لينا

البرنامج دا يا شباب وبنات المنتدى

هسال كل واحد فيكم شوية اساله ونعد مع بعض ونتكلم وتجاوب عليا بس عايز اجاباتك تكون فى غاية الصراحه والوضوح عشان نقدر نعرف طبيعتك وشخصيتك

نظام البرنامج: هستضيف كل يوم سبت من كل اسبوع شخص وهساله ويجيب عليا وعليه يتابع كل لحظه البرنامج ويخش عليه ويشوف السؤال ويجاوب عليه بموضوعيه وصراحه شديده

وكل يوم اربع من كل اسبوع انا الى هختار موضوع وهتناقش فيه معاكم ونشوف اجابياته وسلبياته مع بعض وايه الراى الصح فيه وايه الراى الخطا فيه

كل دا فى برنامج (( لحظات من عمرنا ))

تقديم: Hisham Hamada

برنامج (( لحظات من عمرنا )) ImagesCAXB1B2Q%255B1%255D%255B1%255D%255B1%255D%255B1%255D

برنامج (( لحظات من عمرنا )) ImagesCAXB1B2Q%255B1%255D%255B1%255D%255B1%255D%255B1%255D

واول واحد هيكون معانا وهنستضيفه هنا وهنساله ونتكلم معاه هو العضو

elhawy

يوم السبت القادم

برنامج (( لحظات من عمرنا )) Coming-soon

السلام عليكم ورحمة الله وبركاته اهلا بيكم معانا فى

برنامج

(( لحظات من عمرنا ))

مع اول حلقه من البرنامج ويارب تعجبكم ويكون برنامج خفيف عليكم

النهارده مع اول حلقه مع العضو elhawy بيشرفنا النهارده فى اول حلقه من البرنامج كل سبت من كل اسبوع

نقوله ازيه وايه اخبارك

انا تمام يا اتش والحمد لله كويس وانا سعيد والله النهارده انى معاك فى البرنامج دا ويارب يكون برنامج جامد وجميل للاعضاء والناس كلها

عرفنا بنفسك كده اسمك وسنك وساكن فين وكده يعنى

ظبط نفسك هههههههه

انا محمد مصطفى من اسيوط عندى 20 سنه فى 2 جامعه كلية حقوق

تمام ايه حلمك وانت صغير او الحلم الى نفسك فيه وعايز توصلوا وتحققوا

والله يا اتش انا من صغرى لغايت دلوقتى مليش ولا حلم ولا كان عندى اصلا حلم ولا هدف يعنى عايش بخلص من واجباتى عشان اشوف نفسى واشوف حقوقى واهى دنيا ومفهومه فيها واحد واتنين وتلاته لازما يتعملوا

نظام البرنامج بتاعى متعود على الصراحه مع الناس بيحب الصراحه

انت ايه رايك نتكلم فى الصراحه ومن غير كسوف ولا حرج ولا فى حاجات معينه

لا خالص برحتك يا اتش بس يعنى بدام بقا الاعده هطول يعنى كباية شاى بلبن بقا وسجاره
لو سمحت يعنى هههههه قول يا اتش

هههههههههههههههه ماشى يا هاوى

عموما ادى كباية شاى بلبن اهو

برنامج (( لحظات من عمرنا )) Milk-and-tea

مش حرمك من حاجه

قولى بقا انت واخد راحتك فى بيتكم انت واهلك وهل ليك اخوات ولو ليك مرتاح معاهم واسلوبك ونظامك عامل ازاى معاهم

زى منت فاهم الصعيد وكده فا البيت الى انا اعد فيه عيله محافظه اوى تحس ان فى تكتل على ايه مش فاهم

ابويا محدود اوى سين جيم دا نظاموا معايا وامى عادى ممكن لسانى ميجيش على لسانها خالص فى اى يوم

وبالنسبه لاخواتى ليا اخت بس بعيده عنى اوى كل واحد فينا فى البيت فى وادى بس

امممممممم طب حبيت كم مره ومريت بكم مرحله فى حياتك وهل خرجت قبل كده مع انسانه انت بتحبها وهل اهلك عرفين او عرفم باى مرحله من دول وانك بتحب

مريت بمرحلتين حب فى حياتى بس والاتنين حب حقيقى وعمرى ما خرجت معاها انت فاهم البلد صغيره وكده ولو حد لمحنا مش هيعدى علينا صبح انت فاهم دماغ الصعايده بقا
بس عمى ما اهلى عرفوا باى حاجه تخصنى

يعنى افهم من كده ان محدش من اهلك خالص جه فى يوم وطبطب عليك وسالك مالك او اعد معاك او خرج معاك ويشوف ايه الى جواك
صح؟

ابدا خالص عمرها ما حصلت وبالرغم من كده عايش وعادى متفرقش معايا

يبقا انت اكيد بتشرب سجاير

هههههههه عشان يعنى الظروف بتعتى البيت وكده اه بشرب بس يعنى طيرانى مش اوى

جينا بقا للسؤال الصعب وبتشرب ايه تانى غير السجاير
........ طبعا فاهمنى هههههههه

لا عمرى ما شربت اى حاجه من جنس المخدرات حقيقى بجد ولا مشروبات حتى
مش دى الحاجه اللى للدرجادى هتوصلنى لكده مهما كان

ليك حد من صحابك قريبين ليك وبتعتبره اخ ليك

ولا مفيش وايه الموقف الى حصل معاك من حد من صحابك حسسك انو راجل وبيحبك ولا مفيش

كنت فى يوم ارفان من البيت وهاجج منوا فا سبت البيت ومشيت
وروحت لمكان محدش يعرفوا خالص من اهلى وبالصدفه قابلنى واحد صحبى هناك لقانى اعد لوحدنى فاعد معايا واتكلمنا مع بعض وفضفضلوا بالى جوايا طبطب عليا وحضنى
بس بجد اول مره احس بالامان والراحه لما حضنى اعتبرتوا اخ ليا وقولتلوا كده
اعد معايا وفهمنى وعقلنى وسببوا روحت البيت وانا مقتنع من جوايا

عايز اسالك سؤال بس ياريت تفهم اصدى كويس وتجاوب عليه بكل شفافيه ووضوح

انت قلبك مات ؟؟؟؟؟؟؟؟؟؟!

مقدرش اقول عليه مات بس اقدر اقول على وشك

بتحب مين اكتر فى اهلك او قرايبك وبتكره مين اوى من اهلك او من قرايبك

بحب ابن عمى اكتر واحد فاهم دماغى وعارف بالى جويااي من غير ما اتكلم معاه

واكتر واحد بكرهه مش عارف اقولك مين ولا مين اصلهم كتير ههههههههههه

بس اكتر واحد اوى بجد ابويا

» والان مع افضل و اسهل برنامج لحرق الافلام على dvd مع برنامج Easy DVD Creator 1.7.10 على منتدى احلام عمرنا شباب على كيف كيفك
» حصريا برنامج Focus Photoeditor 5.2 برنامج رائع سيجعل من صورك تحفة فنية على منتدى احلام عمرنا شباب على كيف كيفك
» حصري برنامج BS.Player.Pro.v2.31.975 هو برنامج رائع مشغل فيديو و مشغل صوت من الطراز القوي على منتدى احلام عمرنا شباب على كيف كيفك
» حصريا على منتدى (( احلام عمرنا شباب على كيف كيفك )) برنامج تغير الاي بي اللي بفلوس دلوقتي بقي ببلاش ادخل حمل برنامج بيغير الاي بي مش بيخفية
» لحظات الاسترخاء... أجواء خاصه به