برنامج (( لحظات من عمرنا ))

ههههههههههههه مرسى يا قمر اكتر حاجه ندمانه انى عرفت حد قبل معرف الى بحبوا كان نفسى اكون معاه من اول مفكرت احب

اخر سؤال لينا فى الحلقه الجميله دى بجد

تحبى تقولى ايه ؟ ايه الى جواكى ونفسك تقوليه للدنيا كلها ؟

اقول بجد مش عوزه اتظلم او اتجرح تانى لانى لو الحب ده ضاع منى هدمر وده اكتر حاجه خيفه منها

وكمان مرسى كتير على الحلقه الجميله دى يا هشام

انا الى مرسى على قبول دعوت استضافك معانا فى البرنامج
وربنا يحققلك الى نفسك فيه وتنوليه
وربنا يوفقك

وبكده انتهينا من حلقة النهارده الجميله جدا مع العضوه سهى

وانتظرونا يوم السبت القادم فى حلقه جديده

فى برنامج (( لحظات من عمرنا ))

مع السلامه

ابدا كلامى باسم الله

بسم الله الرحمن الرحيم
وبه نستعين

النهارده مش هستضيف حد لان نفسى اتكلم فى موضوع مهم جدا
موضوع مبنتكلمش فيه غير فى المناسبه دى وغير كده بنفضل ساكتين لغايت لما تيجى المناسبه دى تانى ومبنعرفش قيمة الموضوع دا الا فى الوقت دا بس
مع ان المفرود نتكلم فيه كل ثانيه وكل دقيقه وكل يوم لغايت ما ربنا يفتكرنا لان دا واجب علينا

الموضوع هو يا اصحابى

(( الام ))

الام يا جماعه كلمه كبيره اوى اوى اوى محدش يقدر فينا يعرف قيمة الكلمه دى
ولا حتى البنات تقدر تعرف قيمتها غير لما تبقا ام عشان تحس بدا وتعرف قيمة الام
والشباب برده ميعرفوش قيمة ومعنى كلمة الام (( ماما ))

لما لما لقدر الله وربنا يزيد عمر كل ام فينا الا لما تروح منوا وربنا يفتكرها

مهما اتكلمت فى الموضوع دا مش هقدر ارد ولو جزء بسيط جدا عن فضل الامهات علينا مش امى انا حتى لوحدى

بس برده ولو ....

لازم نتكلم عليها وندلها حقها لان اى ام متستهلش مننا اى حاجه وحشه من ولادها

انا كنت امبارح بتفرج على برنامج لقيت شخص رايح دار مسنين وبيتكلم مع الامهات
وبجد جزنت من جوايا كتير لدرجة انى بكيت بدل دموعى دم بينزف منى
مبالك بقا الام اللى فى الدار دى بتنزف ايه مقدرش اوصفلك ولا اقولك.....
بس انت اكيد حاسس بالشعور دا

حكايات كتيره اوى ملهاش اول من اخر وبجد ضروف صعبه وتصعب حتى على الكافر اللى معندوش شهور ولا احساس

ابن رما امو فى الدار وسبها ايام وشهور وسنين ومسالش عليها ولا زرها تقوله ايه؟
وابن بيعامل امو بكل وحشيه وسوء تقوله ايه؟
وابن بيفضل مراتو على امو تقوله ايه؟

حاجات كتيييييييييييير تصعب عليك ومتقدرش تقول الا حسبى الله ونعم الوكيل......

ام تبكى من عمايل ابنها تقولها ايه وتقول لابنها ايه؟

حاجات كتيره اوى بنعملها ومش بنحس بيها

ام تعبت علشانك ايام بلياليها ونهارها وبتصرخ بكل قوه فيها وبتموت كل يوم عشانك ولما بتتعب مبيجلهاش النوم ولما مش بتاكل بتبكى من جواها بس مش مبينالك عشان صعبان عليها ولما بتبقا مشغول وبتفكر بتيجى تعد معاك وتشوفك مالك ومبيجلهاش نوم الا لما تطمن عليك وتطبطب عليك ولما تبقا محتاج لحنان وعطف وحب وتبقا عايز تحس بدا بتخدك فى حضنها وبضمك بين اديها وغير كل دا يا سيدى افتكر انها كانت بتصرخ ودمها بيغلى ايام وشهور عم جبتك للدنيا واهتمت بيك وكبرتك ووقفت جمبك لغايت ما بقيت حاجه فى الدنيا وليك قيمه

تعبت عشانك كتير اوى سهرت بتذاكرلك وبتاكلك ولما بتتعب بتجرى بيك وكل الى فى نفسها وبتحلم بيه تشوفك حاجه كبيره يبقا جزاتها انك تسرخ فى وشها وتزعق لها وكمان وفى سرك تغلط فى حقها وتمد ايدك عليها كمان وجزتها كمان انك تفضل مراتك عليها طب مراتك عملتلك ايه اكتر ماهى عملتلك ؟ عايز افهم انا النقطه دى؟
طب بلاش دى الابناء اللى بيرموا امهاتها فى دار المنسنين وبيخلصوا من امهاتهم هى دى جزاتها طب عملتلك ايه هى عشان تستحق منك دا
طب بلاش دى رمتها واللى كان كان وحصل مش برده واجب عليك يا محترم تسال عليها حتى ؟
مش حرام يا جماعه كل دا

انا ابن زى زيك وليا ام زى زيك وحابب اقول لكل واحد فيكم سواء بنت او ولد
احب اقوله صدقنى مش هتحس بقيمة والدتك غير لما للاسف ربنا يفتكرها ساعتها بس هتقول خليكى جمبى ومعايا ومتاخزونيشى فى اللفظ دا بس حابب اقوله
ادينى باللى فى رجلك بس متبعديش عندى وتفرقينى لوحدى فى الدنيا دى وانا محتاج لحنانك وحضنك اللى مليان بالامان

شوف فرحت امك لما بتذاكر وفى الاخر تنجح وبتلاقى انها ليها مكانه فى حياتك وانك حاجه كبيره
شوف فرحتها لما بتجرى عليها وتفضفض ليها شوف فرحتها لما بتصحى من نومك بتبوس راسها واديها ورجليها وتقولها ربنا يخليكى ليكى يا (( ماما ))

وقبل ما تنام تبوس اديها وراسها وتقولها تصبحى على خير يا (( ماما ))

يبقا دا جزاتها يا رجاله انا ابن لام زى زيك بالظبط مش هقولك انى بعامل امى بكل حب واحترام لا ابقا بكدب عليك انا صحيح وكتير كمان من الاوقات برفع صوتى عليها وازعق لها بس عايزك تشعر بالشعور دا تقبل بحد يهينك ويهين كرامتك ؟ طبعا لاء .. طب ليه بتهين كرامة امك وبترفع صوتك عليها

تعالوا النهارده ننسى الماضى والى حصل بينك وبينك امك ونفتح صفحه جديده بكره يوم مهم جدا لكل ام فى الدنيا غير قلبك حب الحياه راضى نفسك خليك انسان جديد من بكره دى كفايه عليها لما تلاقيك فاكرها وداخل حتى عليها بورده وبتوطى تبوس اديها وراسها وتقولها كل سنه وانتى طيبه يا (( امى ))

الام يا جماعه الام هفضل من النهارده اقول الام لغايت ما اموت حرام الى بنعملوا فى امهاتنا دا كل يوم والتانى

هقولك حاجه اخيره وهسيبك بينك وبين نفسك

ترضى حد يهين امك فى الشارع او فى اى حتى وانت معاها؟

طبعا اجابتك يا محترم ياللى بتعرف كلمة وقيمة ومعنى (( الامومه )) لاء

طب ليه انت اللى انت ابنها ومش حد غريب تهينها

بص من الاخر عشان مطولش عليك تذكر اللحظه دى كل ثانيه بتمر من عمرك

انك لوحدك فى الدنيا دى وامك فارقتك هتعمل ايه هتعرف تعيش من غيرها وتستمر فى الحياه من غير حضن دافى وامن وايد تطبطب عليك

حس بالشعور دا صدقنى حاجات كتيره اوى جواك هتتغير

انا بكده خلصت حلقتى معاكوا النهارده واتمنى ان نظرتك لامك تتغير واجب علينا كلنا نحترم امهاتنا ونعيش طول عمرنا خدامين تحت رجليها دا حتى يا اخى مش هتنول رضا ربك ولا جنتوا الا برضاها هى

كما قال رسول الله (( الجنه تحت اقدام الامهات ))

يعنى على بلاطه كده عيش طول عمرك خدام تحت رجليها وارضيها باى طريقه

وانا خلصت الحلقه معاكو دلوقتى وهسيبكوا واروح ابوس ايد امى وراسها واقولها سمحينى على كل حاجه عملتها فى حقك وارضى عنى عشان ربنا يرضى عنى

مع السلامه يا شباب

تسلم ايديك يا اتش وفعلا الام دى اكبر نعمة من ربنا

عملت علشانا كتير وجة الدور علينا نعمل علشانها

اهلا وسهلا بيكم يا شباب وبنات فى برنامج

لحظات من عمرنا

النهارده الحلقه 4 من البرنامج وهنتكلم فى موضوع مهم جدا

ممكن الكل فيكم يستخف بيه بس انا اعد مع نفسى ولقيتوا مهم وحقيقى ولازم نتكلم فيه

والموضوع هو

(( الموهبه ))

الموهبه. حاجه جميله وكبيره اوى ربنا بيديها لعبده عشان يخليه متميز عن باقى الناس بيها
والواجب على اى واحد عنده موهبه انه يحافظ عليها وينميها وميضيعهاش من اديه

انا بقا اكتشفت حاجه يمكن تكون جديده عند حد من المشاهدين اللى متبعنا دلوقتى
او هيشوفوا الموضوع دا عن قريب او فى يوم ما

ان كل واحد فينا سواء بنت او ولد او راجل او ست بيت

عنده موهبه ..........؟ تصدق دا؟

اكيد كلكم بتقولوا ازاى ...

هشرحلكم

كل واحد فينا عنده حاجه جواها اسمها جوهره دى بتبقا معنويه مش بتتلمس بس بتتحس
اسمها جوهرة الموهبه مفيش حد فينا بيخلو من دا ولازم كل واحد فينا يبص لنفسوا
ويبص جواه ويدور عليها عشان يبلاقيها ويعرف موهبتوا

ممكن يكون موهبتك فى كلامك الجرئ او كلامك الكوميدى او تلميحاتك الكوميديه
او كلامك الرومانسى اللى ممكن بيه تحبب الناس كلها فيك
او اقلام الوان وورقه وايدك ترسم وتبقا فنان
ممكن بقا فنان فى الرسم او فنان تليفزيون او وجه مقبول لدى الجميع
او لعيب كوره ممتاز ليك لمسات فنيه بتاثر فى كل كوره بتوجهها
او مهرتك فى حسبه رياضيه بتحسبها بسرعه عاليه اسرع من الاله الحاسبه
او ذكائك العالى اللى بيه تسرم بيه حياتك وامورك
او مهرتك دى تكون فى اكله بتعرف تعملها احسن من ميت ست ويبقا مهرتك فى طبختك واكلك اللى بتعملو
او فى سرعتك فى الجرى تكون دى موهبتك فى الجرى او مشيتك يكون ليك مشيه معينه محدش بيمشيها غيرك لو حد شاف مشيتك من بعيد بيعرفك بيها بتبقا دى ميزه بتميزك عن باقى البشر ودى بتبقا فى حد ذاتها موهبه

كل دى حاجات ومواهب ممكن تكون فى حد فينا انت بقا اعد مع نفسك وشوف فين موهبتك فى كل دول متقولش انك ملبكش او مش عندك موهبه لاء تبقا غلطان
اكيد جواك موهبه بس منتاش شايفها ولازم وواجب عليك تعرفيها

عشان الكل يشاور عليك ويعرفك وتبقا مشهور بيها

دا بالنسبه للولد....

نيجى بقى للبت.. ممكن البت بتبقا موهوبه فى اى حاجه من اللى قولناها قبل كده
او ممكن يكون موهبتها فى رقتها وجمالها
رسمة عنيها او بصتها او مشيتها او شكلها او شعرها كل دى مواهب

محدش على الارض معندوش مواهب بتميزه عن باقى الناس

ممكن الواحد يكون عنده اكتر من موهبه واحده.. مش شرط موهبه واحده بس

اما ست البيت فا دى عندها بقا مواهب كتير مش موهبه واحده واللى تقول ان ست البيت مبيبقاش عندها مواهب تبقا غلطانه دى مليانه مواهب

اولا. طبخها وزوقها فى تقديم الاكل وعمل الاكل
ثانيا. تربية ولادها وانها تبقا ام مثاليه غير اى ام تانيه
ثالثا. انها تحط فى بيتها وتملاه حب وفرح وبهجة دى فى حد ذاتها موهبه صاعبه اوى
محدش يستخف بيها لان من الصعب انك ترسم الفرحه والسعاده فى بيتك وتحافظ عليها وتبعد الحزن والمشاكل عن بابك

محدش على وجه الارض معندوش يا جماعه موهبه مفيييييييييييييييييش

انت بقا شايف موهبتك فين فى كل دا ولو مش شايف اعد مع نفسك ولازم تعرف وتلاقيها
ولما تعرف وتلاقيها ابقا قولى

فى انتظاركم الحلقه القادمه يوم السبت القادم انتظرونا مع شخض جديد او موضوع جديد

مع السلامه

بجد تسلم اديك على الموضوع دا يا اتش فعلا كل واحد لازم ولابد بيبقا عنده موهبه بس للاسف بينكرها او ساعات مبيبقاش عارفها

ولازم كل واحد فينا يعد مع نفسوا ويشوف موهبتوا ايه

اهلا بيكم شباب وبنات برنامج

(( لحظات من عمرنا ))

كل العاده معانا عضوه بس عضوه جميله ورقيقه وانا كنت اتمنى انى اتشرف بيها واتكلم معاها واتناقش معاها ونسالها

فى امور كتيره

هى العضوه انوش نرحب بيها فى الحلقه الخامسه من برنامج (( لحظات من عمرنا ))

نقولها اهلا وسهلا بيكى وايه اخبارك وعامله ايه

اهلا بيك

وبيكى يا انوش ادينا نبذه عن شخصيتك يعنى عرفينا بنفسك اسمك وسنك وعنوانك

اهلا بيك انت يااتش وده شى يشرفنى المشركه معكم فى المنتدى الجميل ده

عرفينا بنفسك يا انوش اسمك وسنك وعنوانك

اعرفكم بى انا اسمى انوش سنى 22 من المنيا يعنى شخصيتى عادى يعنى بحب كل حاجه انا بصراحه مش بعرف اتكلم عن نفسى

تمام وايه اخبار المنيا ؟

المنيا كويسه الحمد لله بس الواحد قرفان والله يااتش مفيش جديد
يعنى لما نشوف التغيرات لى هتحصل

ليه على ما اسمع انها بلد جميله وانا عن نفسى زرتها اكتر من مره

اها جميله جدا بس انا مش اصدى على البلد نفسها يعنى الناس الى فيها وكده
كل واحد هنا فى حالوا ومع نفسوا

اها طب وفى البيت انتى والاسره النظام والجو ايه جوه البيت

والله يا اتش ميقلش عن الجو اللى حكتهولك قبل كده فى ردى اللى فات
عادى يعنى اذا كان مطلوب منى حاجه بعملها واذا عوزت حاجه بتتعمل
انما نعد كلنا كاسره مع بعض ونتكلم ويبقا فى ود ونقاش مفيش

اسم البرنامج (( لحظات من عمرنا ))

اكيد فى كل واحد لحظات فى عمره ليمكن تتنسى وديما فى الذاكره وفى البال
بنفتكرها ديما
واحظات متتنساش

ايه هى اللحظه اللى انشو ليمكن تنساها

كنت لما ببقا مخنوقه او ارفانه كنت بروح لوحدى مكان كدا فى المنيا اسمو الكورنيش بروح اعد هناك مع نفسى شويه واعد اتكلم وافضفض مع نفسى كنت برتاح اوى ورغم خنقتى وارفى دا بس كانت لحظات حلوه وليمكن انساها كنت بحس براحه

الحب

ايه رايك فى الحب ؟

وهل حب زمان يختلف عن حب دلوقتى حب الزمن دا؟

الحب اجمل شئ فى الدنيا وليمكن حد يقدر يعيش من غيروا الحب يعنى الحياه

اما بالنسبه لحب زمان فدا كان اجمل حب فى الدنيا حب الوفاء والتضحيه والاخلاص والاحترام اهم شئ

اما دلوقتى مش موجود زى زمان قليل اوى بس دا ميمنعش ان مفيش حب وان مفيش حد بيحب حب بجد فى بس نادر اوى وعشان كده طبعا حب زمان يختلف عن حب دلوقتى والزمن دا

بس برده فى حب

باين عليكى ان من صفاتك التفاؤل .......

وعشان كده عايز اسالك سؤال شخصى ونخش جوه انوش شويا ونعرفها اكتر

انتى مريتى بحب قبل كده احكيلنا

» والان مع افضل و اسهل برنامج لحرق الافلام على dvd مع برنامج Easy DVD Creator 1.7.10 على منتدى احلام عمرنا شباب على كيف كيفك
» حصريا برنامج Focus Photoeditor 5.2 برنامج رائع سيجعل من صورك تحفة فنية على منتدى احلام عمرنا شباب على كيف كيفك
» حصري برنامج BS.Player.Pro.v2.31.975 هو برنامج رائع مشغل فيديو و مشغل صوت من الطراز القوي على منتدى احلام عمرنا شباب على كيف كيفك
» حصريا على منتدى (( احلام عمرنا شباب على كيف كيفك )) برنامج تغير الاي بي اللي بفلوس دلوقتي بقي ببلاش ادخل حمل برنامج بيغير الاي بي مش بيخفية
» لحظات الاسترخاء... أجواء خاصه به