( الحب )

موضوع: ( الحب ) السبت أكتوبر 22, 2011 3:05 pm

الحب ...

يعنى ايه حب...

مفتكرش انك تعرف يعنى ايه حب مفتكرش انك ممكن توصل لمعنى ثابت ومصطلح ثابت للحب
طب ليه ؟

معرفش ولا حد يعرف...

الحب زى الدنيا ..
الدنيا كبيره اوى علينا مليانه مواقف وناس واماكن وبلاد ومشاكل وفرح وحزن كل دول واكتر خلبطيته مضروبه فى الخلاط ومطلعه لينا اسم واحد بس اسمو دنيا..زحمه وكبيره وفيها كل ما تريد
ام الحب.. سرحان وتوهان وانشغال بال وتفكير طول الوقت وساعات تبقا فرحان ومبسوط وطاير من الفرحه وساعات تبقا مخنوق وارفان وزعلان ومهموم وطول الوقت تعد تتخيل حبك اللى عايش ومرسوم جواك وتوصفه ومهما توصف فيه وصفك ميخلصش وكلامك ميخلصش..

ممكن تكون انت من جواك انسان نضيف بس اللى جواك مش ظاهر عليك واللى باين عليك عكس اللى جواك
ممكن تكون انت من جواك نضيف وبتتصرف تصرفات غلط ومنتاش حاسس بيها ولا انت حاسس بنفسك اللى هى اقرب حاجه ليك وشايف انك مبتعملش حاجه غلط وماشى صح مع ان دا العكس .

وممكن تبقا انسان وحش من جواك لكن بسبب الحب تتغير وتبقا احسن وافضل وتلاحظ دا عليك وتشوف بنفسك الفرق
وترجع وتقول لنفسك ياااااااااه هو انا كنت من غير حب كده وبسبب الحب اتغيرت وبقيت كده.!

ولما الحب يضيع منك وتخسره .. هموم الدنيا كلها تركبك وتعيش وتنزرع جواك وتتجرح جرح السنين وتبقا شايله جواك وقافل عليه ومهما حصل ومهما جد فى الامور مفيش حد يقدر ينسهولك مهما كان هو مين حتى لو حب جديد غطى على حبك القديم ويبقا جرح ملهوش دوا يا صحبى وتبقا الدنيا كلها متفرقش معاك واللى رايح زى اللى جاى وزيها زى غيرها.

الحب ..... ياه ع الحب كلمه واحده بس من عرفين جواها الكتير من الكلام والمعانى والاحاسيس والمشاعر
حب يعنى غيره . عطف . حنان . خوف . شوق . عشق بجنون ... وكتير زى ماتحب تقول قول

الحب احساس ومشاعر نابضه من قلب لقلب

مش مجرد كلام طالع من الفم بالعكس الحب الحاجه الوحيده اللى كلامه طالع من القلب وبيوصل للانسان عن طريق الدم اللى ماشى عبر انابيب اسمها شرايين عشان كده الحب اجمل واغلى حاجه فى الدنيا
واجمل معنى فى الحياه

ممكن انت بزات نفسك تجيب اى كلمه فى دماغك وتكتبها فى ورقه وتطلع ليها معنى ثابت او مصطلح ليها
لكن تعالالى انت بقا وهاتلى ورقه واكتبلى فيها من اول سطر فى النص بين قوسين
( الحب )

وهاتلى ليها معنى او مطصلح ثابت مكتوب فى كل الكتب ومعروف على مستوى العالم ... !
مظنش....

لو جبت كل كراريس وكشاكيل العالم وفضلت تكتب عنوا مش هتقدر تدى للكلمه حقها ومعناها الصحيح.

عشان كده يابخت اللى بيحب وبتحب بس الاهم يكون الحب حب بجد صادق ... لان فى الزمن دا بقا الكل بيكدب على كلو بأسم الحب لدرجة ان كلمة الحب كتير زعلت من نفسها وقالت لو كنت اعرف انى هجرح فى الناس وينكدب على لسانى ويتلعب بأسمى ما كنت اتوجد فى الحياه والزمن والايام.

فى اسئله كتيره اطرحت على الحب فى اللى كان ليها اجابه صارمه وملهاش اجابه تانيه غيرها ومعنى تانى ليها
وفى اسئله كانت ليها ميت حل وحل وكل حل منهم يمشى مع اشخاص وافراد معينه على حسب طريقتهم واسلوبهم.

وكانت منها...؟

هل الحب بيغير الاشخاص للأحسن والافضل ؟
هل الحب ليه سن معين وتفكير معين ؟
هل الحب ليه طريقه معينه هل الحب بالعقل ام بالقلب ؟

ومهما كتبت من اسئله كتير ومتعدش بس الاهم تكون فاهم يعنى ايه حب بجد وبمعنى صح عشان تقدر تحب وتتحب صح.

فعلا الانسان من غير حب انسان ميت لا ليه احساس ولا مشاعر ولا قلب ولا نفس خارج وداخل فيه
وفعلا الانسان اللى بيتكلم بأسم الحب وبيكدب على الناس انو بيحب فعلا عامل زى الحيوان لانه ميعرفش يعنى ايه حب زى الحيوانات بالظبط.

حاول تحب وتتحب بجد وشوف الفرق فى حياتك ...

موضوع: رد: ( الحب ) الأحد أكتوبر 30, 2011 7:54 pm

كلام جامد وملوش حل يا اتش يا دولى انت برنس

» ما هو الحب؟
» مدرسة الحب
» من اهم مشاكل الحب
» الحب من مبهمات
» ’،ღ♥ღ * كاسات الحب[] * ’،ღ♥ღ