كل حاجه ليها حاجه ما عدا الحاجه دى ملهاش اى حاجه

خلاص زهقت موش عايز اي حاجة
وبقيت خلاص موش بحتاج لحاجة
ولو يوم فكرت في اي حاجة
الناس مش بتسيب ولا حاجة
خليك معايا وشوف في حاجة
معايا بس مش محتاج الا لعقول بتفهم
وان كانت مش مفهومة او حاجة

اوضحالك بكام حاجة
وحاجة جنب حاجة
وحاجة مع حاجة
تظهر لنا كل حاجة
عموماً انا مش بخاف من حاجة
وعلي فكرة هقولك علي حاجة
انا مش مسنود ولا حاجة

بس صدقني انا خلاص ولا حاجة
ومابخافش من اي حاجة
فرضنا جدلا اني قلتلك علي حاجة
ايه اللي حيحصل ,,, ولا حاجة
حيعملوا ايه ... ولا حاجة
مزبلة التاريخ شاهده وفيها كل حاجة
وان في يوم بعد الشر عرفوا عني اي حاجة

آخرهم تهديد وشوية مية نار بس انا بردوا
مابخفش من حاجة
في ناس بتعيش كل حياتها علشان حاجة
وناس تانية بتموت كل يوم علشان حاجة
وناس بتموت علشان الحاجة
وناس تديلك الحاجة
في عز ما هي محتاجة
وناس تديلك الحاجة
وقصادها ياخدوا ميت حاجة
وناس كانوا صغيرين وفجأة بقوا حاجة
وغيرهم مناظر من بره ومن جوه ولا حاجة

اطعم الفم بأي حاجة تستحي العين
وكل حاجة
كلامي يا بشر فيه حاجة ؟
لحد دلوقتي حد فهم اي حاجة
كلام عادي مليان بكذا حاجة
بسيط وسهل ومش مكلفني ولا حاجة
بس نفسي اقولك علي حاجة
مع اني مقلتش ولا علي اي حاجة
خلاص .. انا همشي ومش عايز حاجة
بس قبل ما امشي هقول حاجة

قبل ما الناس تيجي وتقولي فين الحاجة
هو في حاجة ؟
لا ... لا لا لا ... مفيش اي حاجة مفيش سرقة ولافيه نصب
ولافيه تهليب ولا فيه قلب مفيش ظلم ولا حاجة
قضية مين ياراجل روح نام شوية دا مفيش حاجة
بتقول ايه ؟؟ عبارة وعمارة وممدوح ابن اسماعيل هربان محدش عمله اي حاجة
ايه ايه ؟ علي صوتك ؟! انتربول دولي ؟؟ ودا هيقبض علي مين ولا مين
هناك في قايمة بأسامي كل المسلمين .... يا شيخ روح خلاص مفيش حاجة
سمع هوووووووس الرقاصة جت مش عايز اسمع اي حاجة

عليا النعمة يا خلق مافيه حاجة
والدنيا حلوة اوي ومش ناقصها اي حاجة
انت حاسس بحاجة ؟
ورحمة ابويا ويّا ابوك علي اللي جابوك مافيه حاجة
صدقني وعهد الله ماخلولنا ولا حاجة

انت لسه هنا ؟؟
بتعمل ايه
مخلاص فركش شطبنا
منا قلتلك مفيش حاجة
روح نام
واستغطا باي حاجة

يا عم انت خايف من ايه
متخفش وربنا مفيش حاجة

انت فى التمام انت مية مية تسلم يا غالى

تمام يا اتش
تسلم ايديك

» نكته بصراحه ممنوع الدخول ليها من قبل الرجاله او حتى الحريم دا من وجهة نظرى ههههههههه
» نكته جامده اخر حاجه
» نكته جامده اخر حاجه 2
» نكته جامده اخر حاجه 3
» نكته على تليفون المحمول بس جامده اخر حاجه