النهارده فى يوم 2011/3/7 هكلمك فى موضوع وعايزكم تشركونى فيه وتحسوا بالى جويا وتحاولوا تفهمونى

النهارده يا جماعه عايز اكلمكم بينى وبينكم كده فى موضوع

بس احترت اكتبوا فين فى ابداعات الاعضاء ولا فى مشاكل فى الحب ولا فى استشاره فى الحب

بس سبت كل دا واصريت اكتبوا فى تلك القسم يعنى يكون للجميع فى الكافيه بتاعنا الاعده بتاعتنا الى فيه بنفضفض وبنحكى وندردش ونتكلم ونقول الى جوانا ونعتبر بعض اسره واحده ونشيل بعض ونحب بعض ونحس ببعض

لان فى الزمن دا افتقدنا حد يحس بحد تانى وياخد بايده حقيقى بجد

لو انت يا قارئ الموضوع مش حاسس بدا وبتنقضنى فى دا انا هسيبلك حريتك فى الاختيار بس انا حاسس بدا

انا شاب عادى جدا وبسيط جدا جدا ومتواضع لدرجة انك لا تتخيل قيمة تواضعى ورضايا

مش من اسلوبى التعصب او الحزن بس ما باليد حيله بقا والوضع من حال لحال مفيش حد على حال ووضع معين ساعات فرحان ......... وساعات زعلان ومهموم

انا زى او واحد فيكم بالظبط من اسره بسيطه وكل حاجه بس من صغرى حسيت بالوحده واوحش حاجه فى الدنيا انك تحس بالوحده وانك لوحدك مفيش حد جمبك

انا ليا 4 اخوات غيرى
...

اختين كبار واخ اكبر منى واخت اصغر منى

يعنى تقدر تقول كده انا اخر العنقود

يعنى خلاص محلوله هلاقى فى حد ياخد بالو منى ويطبطب عليا وياخدنى فى حضنوا احس بيه بالامان والراحه والسعاده والفرح والحنان والحب

بس للاسف من صغرى سابونى لوحدى كل واحد فى سكه وفى وادى ودا حال الدنيا حال الرزق والنصيب عشان يشوف حياتوا ويكون نفسوا

بقيت وحدانى ................

مستعد لاى حاجه فى الدنيا يا اكون صح او اكون غلط يا اكون كويس يا اكون وحش

يا اتصاحب على صحاب وحشه وبتاعة كيف يا اما اعرف ناس محترمه بتاعة ربنا

دا موجود ومتاح ليا ودا موجود ومتاح ليا بس انت بقا الى هو انا اخترت ايه فييييييييييييييييييهم ؟

للاسف

الصاحب الوحش الى بتاع دماغه وكيفه اتعرفت على اشكال والوان واخترتها شرب وصياعه وقلة قيمه وبواظان لدرجة انك تبص لروحك فى المرايه متشوفش نفسك

ضيااااااااااع ضياااااااااااااااع

المحيط شربته عايز بالتفصيل حاضر مش هتحرج ولا هتكسف منك لان زى ما اتفقنا القسم دا مكنا احنا احنا بنحب بعض ونساعد بعض وبنحس ببعض

شربت من اول السجاره وانا فى 3 ابتدائى وياليها بقا الحاجات التفاريحى التانيه يعنى حشيش بنجو ميا بيره بكل انواعها خمور كل الى تقول عليه عملته نسوان برده موجود وكان شغال اياميها

رغم كل دا فى حاجه جوايا ماتت وعرفت قيمتها لما راحت منى

لازم طبعا بعد كل الى شوفتوه وقراتوه دا اكيد لازم فى حاجه تموت وهى

(( الحب ))

ضاع من احساسى ومشاعرى وعواطفى وقلبى ودمى حاجه اسمها (( الحب )) بقيت انسان بلا حب

عايش وخلاص انسانه تهز عينى او تخطف قلبى مفيش

عرفت واحده والتانيه والتالته واخدهم كلهم على اساس انها حب قصة حب بجد وخلاص بس كنت بكدب على نفسى وببقا عارف انها مرحله وهتعدى هاخد بس الى عايزه منها وارميها واضور على غيرها طبعا انتم عارفين اصدى يعنى نفسى فى بوسه اعد اجرى وراها ومليت دماغها عشان خاطر بوسه ولما اخدها سبتها خلاص مبقاش ليكى قيمه عندى اضور على غيرك عايز الجديد !!

مكنوش عارفين انى بايظ وبشرب يعنى واد حشاش خامورجى وكنت بقولهم انا بشرب سجاير بس . بس اوعد هبطلها لييييييييييييه يا حبيبى قال ايه عشان بحبك وطظ مفيش حب اصلا

كلمه وبتتقال

الحب كان بيجيلى لواحده ودا نادر اوعى لما يروح الحب لواحد لغايت عندوا ويضرب على بابه ويقوله افتح انا الحب ربنا بعتلى ليك هتبقا انسان تانى وللاسف مكنتش بحس بقيمتوا وكنت بكدب عليه وارميه لغايت ما ربنا خد منى الحب تانى وحرمنى منوا وحسسنى بالوحده تانى اللى بقا كنت حاسس بيه وبقيمتوا ونسيت الدنيا بيه وربنا كرمنى باحسن من الحرمان وهو الحب انا ضيعتوا من ايدى ورميتوا تانى قالى ربنا اشرب بقا عشان تعرف قيمة كل حاجه بدهالك وانت مبتقدرش اشرب من كاس الحرمان وعيش

لغايت ما عرفت ربنا وقدرت وعظمة قيمه وكلمة ومعنى (( الحب ))

ولاول مره حاجه غريبه تحصل فى حياتى كلها

ان الحب رجعلى تانى بس المرادى انا اللى رحتلوا مش هو الى جالى زى الاول ودى كانت اول مره احب بنت زى القمر متتخيرش عنوا وابقا جميها والكلمه على لسانى وكمان سبحان الله مش قادر اطلعها ليها واقولها بحبك رغم انها كانت كلمه لبانه فى لسانى بتتقال بمناسبه ومن غير مناسبه زى اليسا احنا هنغنى ولا ليه مش موضوعنا المهم نكمل ؟؟

كان فى عائق بنا ايه هو محدش يسالنى بس من حبى ليها ومعرفت قيمتها عندى مجرد بس اتعرفت عليها واتكلمنا مره واتنين وعرفت انى مقدرش ابعد عن صوتها مسكت نفسى وصبرت لغايت ما فاض بيا واعترفتلها بحبى ليها

وهى كمان اعترفتلى وحبتى ولما سمعت منها كلمة بحبك منها ليا قلبى الى كان حجر زمان بقا طير مرفرف فى السما ولما قولتيلها بحبك منى ليها حسيت باحساس عمرى ماحسيتوا وانى طفل اتولد من جديد رغم انى كنت بقولها كتير لغيرها بس مكنتش بحس بطعمها

اعد مع نفسى قولت ايه دى هتبقا برده زى غيرها ولا انت اتغيرت يا هشام ........؟

لقيت مره بمره واول باول بعترفلها بكل حالجه وصادق معاها فى كلامى ومخبتش عليها حاجه قولتيلها انى بشرب وبعمل وبهبب سمعت منى وتقبلت دا وبالعكس احترمتنى جدا وقدرتنى ووقفت جمبى كتيييييييير اوى

لو اخت ليا مش هتعمل اللى عملتوا دا وحبتنى برده مش نزلت من نظرها وخدت ايدى فى اديها وعدتنى من مراحل كتير منها

انى معتش بشرب حشيش ولا اى مخدرات ومشروبات وميا وخمور وحاجه من دى وانى خلتنى صادق مع نفسى الاول عشان ابقا صادق معاها ومع غيرى خلتنى اذاكر وافتح كتاب واهتم بنفسى واعرف ان ليا قيمه وخلتى اضور على قيمتى ووزنى كشخص وانسان ولقيتهم بفضلها وبفضل حبى ليها وحبها ليا

الا حاجه لسه مستمره فيا لغايت دلوقتى وهى السجاير لسه بس وعدها انى هبطلها وزى ما بطلت اللى اصعب منها هعرف ابضلها بحبى واخلاصى ووفائى ليها

انا صحيح مش هقولك ان الانسان بيتغير فى يوم وليله وبيبقا حاجه تانيه لاء ابقا كداب انا برده خد وقت عم بطلت كل حاجهع شربت وبطلت فتره وشربت ورجعت تانى وبرده بطلت فتره لغايت ما بطلت خالص

بس المهم متحاولش ولا تفكر ان تجرح تانى للى كنت فيه خد خطوه لقدام وحافظ عليها طول عمرك انشاء الله تطل خطوه واحده بس طول عمرك لقدام بس مترجعش لورا

وبحبك ليها بجد ومن قلبك ومؤمن بدا هتبقا حاجه تانيه وانا بقدم دا اعتراف منى رسمى ليكم كلكم ولحبيبتى ثانيا

ويارب مكنش نزلت من نظركم انا اخوكم زى منتوا اخواتى ودا شرف ليا

بحبك كتير

أحــــــــــــــــــــترمـــــــــــــــــــــك جداااااااااااااااااا على تقديرك وحـــــــــــــــبك لـــــــــها

ربـــــــــــنا يوقفكم مع بعض أن شــــــــــــــــاء الله ياأحـــــــــــــــلى أخــــــــــــــــــــــواتى

تسلمى يا ايمى

ربنا يوفقكم مع بعض

» حصريا اغنية ع بالى حبيبى للنجمه اليسا على منتدى احلام عمرنا شباب على كيف كيفك
» حصريا اغنية جيت على بالى للنجم عامر منيب على منتدى احلام عمرنا شباب على كيف كيفك
» هام جدا: اتعلم ازاى تحط صوره فى موضوع انت بتكتبه فى المنتدى
» اكسسورات الشعر 2011 اكسسوارات عرائس للشعر 2011
» صور للتصميم 2011 ، صور شباب 2011 ، تحميل صور شباب للتصميم، 2011 ، تحميل صور بنات واطفتا 2011